Почитувани пријатели, за жал сведоци сме на една пракса која нее нова, и со која се соочуваат сите кои ја сакаат планината и природата. Поставувањето на патоказите и маркирањето на патеките е со цел тие да бидат од корист на секој што ја сака природата, а поставени се со цел да ги направат патеките во планините подостапни и побезбедни. Планинарите кои ги поставуваат патоказите и ги маркираат патеките се волонтери од планинарски клубови, луѓе кои искрено ја сакаат планината и на кои им е особено драго кога од посетителите и корисниците на патеките ќе го чујат зборот „БЛАГОДАРАМ, сега знам на која патека сум и се чувствувам побезбедно“. Ние и понатаму ќе се грижиме за патеките и покрај овие непријатни настани. Многу ни значи подршката од сите вас, и затоа во најкус можен рок ќе направиме напори уништените патокази да ги замениме со нови. Страната на комисијата е отворена за споделување на информации за патеките за сите ваши забелешки во врска со нив, а ние сите заедно ќе се потрудиме тие да бидат наше лице пред светот. Ви посакуваме безбедно и лесно чекорење. ... Види повеќеВиди помалку
Денес Имавме директно вклучување во утринската програма на МРТ1. Амбасадорот на Република Чешка г-дин Мирослав Томан и проф. др. Јовица Угриновски претседател на ФПСМ накратко го презентираа пилот проектот за означување на планинарските патеки финансиран од Развојната програма на Чешката Република. Потенцирано е воедно и значењето за уредени и безбедни планинарски патеки како значаен дел за збогатување на туристичката понуда на нашата земја. ... Види повеќеВиди помалку
Фото
Македонски јазик
Shqip
English
Српски језик